දාන පාරමිතා
බුද්ධත්වය පිණිස හෝ ප්‍රත්‍යෙක බුද්ධත්වය පිණිස හෝ අග්‍රශාවකාදී තනතුරු පිණිස හෝ පුරණ ගුණ ධර්ම ‘පාරමී’ ශබ්දයෙන් කියති. බුද්ධකාරක ධර්ම වශයෙන් පාරමීහු දසදෙනෙක් ඇත. ඔවුන් අතර දාන පාරමිතාව පළමු වැන්නයි.
දානය, පාරමී - උපපාරමී - පරමාර්ථ වශයෙන් ත්‍රිවිධ වෙයි. දශදාන වස්තු වශයෙන් දක්වන ආහාර, පාන, ගෘහ, වස්ත්‍ර, යාන, මාලා, විලෙවුන්, සුවඳ, ශයන, ප්‍රදීපොපකරණ යන දශය හා බාහිර වස්තූන් පරිත්‍යාග කිරීම 'පාරමී' නමිනු ද ශරීරාවයව පරිත්‍යාග කිරීම ‘උපපාරමී’ නමිනුදු, ජීවිතය පරිත්‍යාගය ‘පරමාර්ථ පාරමී’ නමිනුදු කියති.
‘පන්සිය පනස් ජාතකය’ පාරමී ගැන ම එන දේශනායෙකි. එහි ‘අකිත්ති’ සඞක, ධනඤ්ජය, මහා සුදස්සන, මහා ගෝවින්ද හිමි, චන්දකුමාර, විසය්හ සෙට්ඨි, සිව්රුජ, වෙස්සන්තර ආදී ජාතක කළු දාන පාරමිතාව දක්වයි. සසජාතකය ගෙනැ ‘ජාතක අටුවායෙහිදී' ආත්ම පරිත්‍යාගය, පරමාර්ථ පාරමිතා නමැයි කියන ලදී. එහි ශරීරාවයව පරිත්‍යාගය ‘පාරමිතා’ වශයෙන් කළ බව පෙනේ. ‘චරියා පිටකය’, ජාතකට්ඨි, ‘ජිනාලංකාර වර්ණනා’ ව ආදි පොත්වලින් මෙසේ බොහෝ විස්තර විභාග දත හැකි වෙයි.
(කර්තෘ: කොටහේනේ පඤ්ඤාකිත්ති හිමි)
(සංස්කරණය නොකළ)
