ධෝතෝදන

කිඹුල්වත් පුර අගනුවර කොට ගෙන ශාක්‍ය රාජධානිය පාලනය කළ සීහභානු නම් රජුගේ පුත්‍රයෙකි. තිබ්බත ග්‍රන්ථවල මොහු හඳුන්වා ඇත්තේ 'ධොනෝදන' නමිනි. මව කච්චානා නම් වූවා ය. ශුද්ධෝදන රජු ධෝතෝදනගේ වැඩිමහල් සොහොයුරා ය. එහෙයින් බුදුන් වහන්සේට ද ඤාතිත්වයෙන් සුළුපියා විය. මහානාම හා අනුරුද්ධ යන ධෝතෝදනගේ පුත්තු ය. මහාවංසයට අනුව ඔහුට ශුක්ලෝදන නමින් තවත් වැඩිමහල් සොහොයුරෙක් ද සුක්දෝදන, සක්කෝදන හා අමිතෝදන යනුවෙන් බාල සොහොයුරන් තිදෙනෙක් ද අමිතා හා පමිතා නම් සොහොයුරියන් දෙදෙනෙක් ද වූහ (මහාවංසය 12-24).

(කර්තෘ: උණුවතුරබුබුලේ මහින්ද හිමි)

(සංස්කරණය නොකළ)