මාහේන්ද්‍ර දණ්ඩ
මේ වනාහී ඝටිකා දෙකකට පරිමිත වූ ශුභ ඵලදායක කාල විශේෂයකි. රවි ආදී දින හතෙහි වායු, වරුණ, යම, මාහේන්ද්‍ර යන චතුර්විධ දණ්ඩයන්ගේ උදාව වන්නේ ය. මෙයින් මාහේන්ද්‍ර, වරුණ යන දණ්ඩයෝ ශුභ ඵල දෙන්නාහු වෙත්. වායු, යම යන දණ්ඩයෝ අශුභඵලදායක වෙති. ඉරු දිනයෙහි සූර්යෝදයේ පටන් වරුණ, යම, මහේන්ද්‍ර හා වායු ද බුධ දිනයෙහි මාහේන්ද්‍ර, වායු, වරුණ හා යම ද ගුරු දිනයෙහි වායු, වරුණ, යම හා මාහේන්ද්‍ර ද කිවි දිනයෙහි මාහේන්ද්‍ර, වායු, වරුණ හා යම ද ශනි දිනයෙහි යම, මාහේන්ද්‍ර, වායු හා වරුණ ද එකක් ඝටිකා දෙක බැගින් පිළිවෙළින් උදාවේ. මාහේන්ද්‍ර දණ්ඩෙන් නිරතුරු ජයග්‍රහණ ද වරුණ දණ්ඩෙන් ධන ලාභ ද වායු දණ්ඩෙන් ශ්‍රමය ද යම දණ්ඩෙන් මරණය ද වන්නේ යයි දැක්වේ.
සාර සංග්‍රහය
යමදණ්ඩ - “මාහේන්ද්‍ර දණ්ඩ බලනු
වරුණ දණ්ඩ - “මාහේන්ද්‍ර දණ්ඩ” බලනු
වායු දණ්ඩ - “මාහේන්ද්‍ර දණ්ඩ” බලනු.
(කර්තෘ: ඩී.ආර්. සෙනෙවිරත්න)
(සංස්කරණය නොකළ)
