ඉලෙක්ට්රෝනික විද්යාව
(Electronics). රික්තයන් (vacuums) හා වායූන් තුළ ඉලෙක්ට්රෝන විමෝචනය ද මේවා තුළ ඉලෙක්ට්රෝන ක්රියා කරන අන්දම ද ඉලෙක්ට්රෝනවල ඵල ද පිළිබඳ විද්යුත් ඉංජිනේරු විද්යාවේ අංශයකි. නොයෙක් ඉලෙක්ට්රෝනික උපක්රම මිනිසාගේ ප්රයෝජනය සඳහා උපයෝගී කරගැනීමත් මේ විද්යා අංශයට අයත්ය. ඉලෙක්ට්රෝන පාලනය කිරීම ඉතා වැදගත් භෞතික විද්යාව විෂයයක් වශයෙන් මෑතක දී විකසනය වී ඇත.
ඉලෙක්ට්රෝන විමෝචනය හෝ අවශේෂණය උපයෝගී කොට ඇති ඇතැම් උපක්රමවල පාවිච්චියත් සමග ඉලෙක්ට්රෝනික විද්යාව සම්බන්ධය. ඉලෙක්ට්රෝනික නළ (බ.), කැතෝඩ කිරණ නළ (බ.), ප්රකාශ විද්යුත් කෝෂ (බ.) හා ට්රාන්සිස්ටර (බ.) යනාදිය එවැනි උපක්රමවලට නිදසුන්ය. රේඩියෝව (බ.), දුරසේයාව (බ.), ධ්වනි චිත්රපටය, රේඩා (බ.), X-කිරණ (බ.), ඉලෙක්ට්රෝන අණ්වීක්ෂය (බ.). කැතෝඩ කිරණ දෝලන ලේඛය (cathode ray oscillograph) හා ස්වයංක්රිය යන්ත්ර (බ.) යනාදියෙහි ද ඉලෙක්ට්රෝනික විද්යාව උපයෝගී කොටගෙන ඇත.
කර්මාන්ත බොහොමයක ද ඉලෙක්ට්රෝනික විද්යාව උපයෝගී කොටගෙන ඇත. කර්මාන්තශාලාවල නොයෙක් යන්ත්ර ඉලෙක්ට්රෝන මගින් පාලනය කළ හැකිය. ප්රකාශ උපකරණවලින් ලබාගත නොහැකි අධික විශාලක බල ඉලෙක්ට්රෝන අණ්වීක්ෂයෙන් ලබාගෙන තිබේ. පර්යේෂණ සඳහා ඉතා ප්රයෝජනවත් උපකරණයකි මේ අණ්වීක්ෂය. නැව් ආදියට ඝන මීදුම මැදින් යාමට හැකිවීම රේඩා මගින් සැලසෙන එක් වැදගත් සේවයකි. (ඉලෙක්ට්රෝනය; ඉලෙක්ට්රෝනික විවර්තනය යන ලිපිත් බලන්න.)
(සංස්කරණය: 1970)
