හැපලෝගම මොහොට්ටාල
ඉංග්‍රීසි පාලනයට පටහැනි ව ආරම්භ වුණු ඌවේ කැරැල්ල මෙහෙයවූ නායකයන්ගෙන් කෙනෙකි. මුලින් ම එම සටන පිළිබඳ ව රහස් ලියවිලි මාර්ගයෙන් සිංහලයේ නායකයන් වෙත දක්වනු ලැබුයේ ඔහු බව කිවුලේගෙදර මොහොට්ටාලගේ නිවසේ පෙට්ටගමක් තුළ තිබී සොයා ගන්නා ලදැයි කියන ලිපියකින් පෙනේ. මේ ලිපිය (තල්පත) ඉංග්‍රීසියට පරිවර්තනය කර බ්‍රවුන්රිග් ආණ්ඩුකාරයාගේ සටහන් අතර ඇත. මුල් ලිපිය එංගලන්තයේ යටත් විජිත කාර්යාලයට යැවූ බව සඳහන් වෙයි.
“එක්කෝ අපි හැමෝම එක්වී සටන් කොට ඉංග්‍රීසීන් පලවා හරිමු. නැතහොත් අපි හැමෝ ම වසබී මිය යමු” යනු එම ලිපියේ ඇතුළත් වාක්‍ය දෙකකි. වෙල්ලස්සේ සටන් සංවිධානය නිරත වූවන්ගෙන් කෙනෙක් වූ ඔහු (20) වලපනේ කැරැල්ලෙහි නායකයෙක් ද විය. උඩරට දෙවෙනි පෙළේ රදල පවුලකට අයත් ය. ඉංග්‍රීසීන් විසින් ඔහු දිවි ඇති තෙක් රටින් පිටුවහල් කරන ලදි.
පොත්පත්
"සිංහලේ නිදහස් සටන"
(කර්තෘ: හපුගොඩ සුමනතිස්ස ස්විථර: 1962)
(සංස්කරණය නොකළ)
