"මාධව නිදානය" හි සංශෝධන අතර වෙනස්කම්

09:18, 13 මැයි 2024 වන විට නවතම සංශෝධනය

භාරත දෙශයෙහි මෙන්ම ලක්දිව ද ආයුර්වේද විද්‍යාර්ථීන්ට රෝග විඥානය පිණිස ඇති සුදුසිඞග්‍රන්ථය මාධව නිදානයයි. මාධව නිධානය රචනා කරණ ලද්දේ ආයුර්වේදයෙහි විශාරද වූ මාධවකර නම් පඬිවරයා විසිනි. ඔහු වංගදේශයෙහි උපන් කෙනෙකැයි කියනු ලැබේ. මාධව නිදානයෙහි වාග්භටගෙන් උපුටා ගනු ලැබූ කොටස් බෙහෙවින් ඇති හෙයින්, මාධවකර පඬිවරයා වාග්භටාචාරීන්ට පසුව විසූ කෙනෙකු බව පෙනේ. මෙසේම වෘන්ද, චක්‍රපාණි යන නිෂග්වරයෝ ද ඔවුන්ගේ කෘතීන්ට මාධව නිදානයෙන් කරුණු උපුටාගන තිබෙන හෙයින්, මාධවකර ඔවුන්ට පූර්‍වයෙහි විසූ නියාව ද පෙනේ. අටවෙනි ශතවර්‍ෂයේ බැග්ඩාඩ් නගරයේ විසූ අරාබි දේශයේ අගරජ වූ හරාවුත් අල්රයීද් කාලිප්තුමාගේ නියමයෙන් මාධව නිදානය පාර්සි භාෂාවට නඟන ලද්දේ ය. මේ ඓතිහාසික සිදුවීමෙන් අවබෝධ වන්නේ මාධව නිදානය ක්‍රිස්තු වර්ෂ සත්වෙනි ශත වර්‍ෂයෙහි පමණ ලියන ලද්දක් බවය. මාධවකර පඬිවරයා විසින් මාධව නිදානය හැර රත්නමාලා නම් ද්‍රව්‍ය ගුණ ග්‍රන්ථයක් ද කරන ලද්දේ ය. ආචාර්‍ය්‍ය ඩ්ලිලනයන්ගේ සුශ්‍රැත ටීකාවට අනුව ටිප්පනියක් ලියූ ශ්‍රී මාධව අත්‍යතර පස්වරයෙක් විනා, මාධව නිදාන කතුවර, මාධවකරයන් නොවන්නේ ය. ඊට කරුණක් වන්නේ ශ්‍රී මාධව කිසිතැනක මාධවකර නමින් නොදැක්වෙන හෙයිනි. මාධව නිදානයට ඉන්දිය හා මෛ් වියතුන් අතින් ලියැවුණු ටිකා කිහිපයක් ඇත. ඒවා අතුරෙන් ප්‍රමුඛස්ථානයේ පවත්නේ මධුකොෂ ව්‍යාඛ්‍යා නම් ප්‍රශස්ත ටීකාව ය. මාධව නිදානයට දොන් අන්දිරිස් ද සිල්වා, දේවරක්ෂිත බටුවන්තුඩාවේ පඬිතුමා විසින් ලියන ලද පද ශත සන්නයක් ඇත්තේ ය. මිශ්‍රත්වයෙන් ආයුර්වේද විද්‍යාර්ථීන්ට විපුල ප්‍රයෝජනයක් ලැබෙන්නේ, දඹදෙණිපුර දෙවන පරාක්‍රමබාහු රාජ සමයෙහි විසූ පස් පිරිවෙන් මාහිමියන් විසින් මාගධි භාෂාවෙන් රචනා කරන්නට යෙදුණු භෙසජ්ජ මංජුසා නම් වෛද්‍ය ග්‍රන්ථයෙහි දැක්වෙන, රෝග විනිශ්චය අංශය මාධව නිදානයෙන් උපුටා ගෙනැ තිබේ. හෙළ බසින් ලියැවුණු යෝගාර්‍ණවය, යොගපිටකය, චින්තා මණිසන්නය, යොග රත්නාකරය ආදි දේශීය වෛද්‍ය ග්‍රන්ථයන්හි දැක්වෙන රෝග විනිශ්චය මාධව නිදානයට අයත් ය. මේ හැර ලක්දිව රෝග හැඳින්වීමට උගන්වන ලද අරිෂ්ට ශතකයට ගෙන ඇත්තේ ද මාධව නිදානයේ රෝග විනිශ්චයයි.

මේ හැර හෙළබසින් ලියැවී ඇති සියලු ම වට්ටෝරු වෙද පොත්හි ද ගද්‍යයෙන් හා පද්‍යයෙන් ලියැවුණු සියලු ම සංග්‍රහ ග්‍රන්ථයන්ට රොග හැඳින්වීම මාධව නිදානයෙන් උපුටා ගෙන තිබේ. මාධව නිදානය ඇසුරෙන් තොරව ආයුර්වේද හෝ සිංහල වෙදකමක් නැත්තේ ය. පණ්ඩිත බී. සරණේලිස් සිල්වා වෛද්‍යවරයා විසින් රචනා කරණ ලද ගද විනිශ්චය ද මාධව නිදානය ම ඇසුරෙන් සකස් කර තිබේ. එමතු ද නොවෙයි, මහා මහෝපාධ්‍යාය ගනනාථයේත් මහා පඬිවරයා විසින් ලියන ලද සිද්‍ධාන්ත නිදානය ද මාධව නිදානය ම ඇසුරෙන් සකසා තිබේ.

එහි ඇති විශේෂය නම්, බටහිර මතයන් අනුව ඇතැම් රෝග හඳුන්වා දීම ය. මාධව නිදානය ශ්‍රේෂ්ඨ ය යනු භාරතීය පඬිවරයන්ගේ මාධව නිදානය ගැන තහවුරු වූ පිළිගැනීම වේ.

(කර්තෘ: පී.ඇම්.පී. අභයසිංහ: 1963)

(සංස්කරණය නොකළ)