"අබ්දුල්ලා ඉබන් සාවුද් ඉබන් අබි සාර්" හි සංශෝධන අතර වෙනස්කම්

15:05, 30 ජූනි 2023 වන විට නවතම සංශෝධනය

ක්‍රි.ව.655 දී මුආවියා (පසුව ඉස්ලාම් අධිරාජ්‍යයේ කාලිප්) සමඟ එක්ව බයිසන්ටයින් සමුද්‍ර නායකත්වය සදහටම සිඳලූ මෙතෙම ප්‍රථම ඉස්ලාම් නාවික හමුදාව පිහිටුවීමේ ගෞරවයට ද හිමි වූවෙකි. මුස්ලිම්වරුන්ගේ ආදිම අද්මිරාල්වරු වූවෝද අබ්දුල්ලා සහ මුආවියාය.

මිසරයේ ප්‍රථම මුස්ලිම් පාලකයා වූ යුධ සෙනෙවි අම්ර් ඉබ්න් අල් ආස් (බ.) එම පදවියෙන් ඉවත් කොට උතුමාන් (ඔත්මන් හෙවත් උස්මාන්) කාලිප්වරයා විසින් සිය සහෝදරස්ථානයේ වැඩුණු අබ්දුල්ලා මුළු මිසරයේ ම පාලකයා හැටියට ක්‍රි.ව 645 දී පත්කරන ලදි. එහෙත් ඔහුගේ කාලයේදී නැවතත් බයිසන්ටයින් අධිරාජ්‍ය සේනා ඇලෙක්සැන්ඩ්රියාව අයත් කර ගත් බැවින් නැවත අම්ර් කැඳවන ලදි. ඔහු ආපසු එම ප්‍රදේශය අල්ලා ගත් පසු කාලිප් යටතේ මිසරයේ ප්‍රතිරාජයා හැටියට අබ්දුල්ලා පත් කැරිණ.

අබ්දුල්ලා නැව් කණ්ඩායමක් පිහිටුවා නාවික සටන්හි යෙදී මහත් කීර්තියක් අත්කරගත්තේ මින් පසුවය.

(සංස්කරණය:1963)