"ස්නේහ ශතකය" හි සංශෝධන අතර වෙනස්කම්

16:06, 27 දෙසැම්බර් 2023 වන විට නවතම සංශෝධනය

දේශීය චිකිත්සාවට අයත් වට්ටෝරු පොත්වලින් හා සකු බසින් ලියැවුණු චිකිත්සා ග්‍රන්ථයන්ගෙන් ද උපුටා ගන්නා ලද තෙල් වට්ටෝරු රැසක් ස්නේහ ශතකයට ගෙන තිබේ. වැඩි වශයෙන් ම සඳහන් වන්නේ සිංහල පද්‍යයෙන් යුත් තෙල් වර්ග සමූහයකි. නාරායන තෛලය, චන්දනාදි තෛලය, උශීරාදි තෛලය, භෘඞ්ගාඵලක තෛලය, ශුද්ධබලා තෛලය, බලාකෝරණ්ඩ තෛලය, මහාතෝරණ්ඩ තෛලය, ධන්වන්තර තෛලය, සාරණී තෛලය, මාඝ තෛලය, මහාමාඝ තෛලය, ප්‍රසාරණී තෛලය, සිද්ධාර්ථක තෛලය යන තෙල් වර්ග කිහිපයක් සංස්කෘත ශ්ලෝකවලින් දක්නට ලැබේ. ශ්ලෝකවලින් ලියැවී ඇති තෙල් ගැන පැහැදිලි වූ ද සවිස්තර වූ ද භාවසන්නයක් ලියා ඇත්තේ ය. ස්නේහ ශතකය කවරෙකු විසින් කරන ලද සංග්‍රහයක් දැ'යි සඳහන් ව නොමැති ය. ක්‍රි.ව. 1928 වැන්නෙහි ඇන්.ඊ. කුරේ නමැත්තකු විසින් හතරවෙනි වරට මුද්‍රණය කොට තිබේ.

(කර්තෘ: පී.ඇම්.පී. අභයසිංහ: 1961)

(සංස්කරණය නොකළ)