"සිම්බ්‍රි" හි සංශෝධන අතර වෙනස්කම්

09:04, 18 ජනවාරි 2024 වන විට නවතම සංශෝධනය

(Cimbri). බෝල්ටික් මුහුද ආශ්‍රිතව ජීවත් වන මොවුහු යුරෝපීය ආදිවාසී ජනකොට්ඨාසයකි. සෙල්ටික් (Celtic people) නැතහොත් ගෞලිෂ් (Gaulish), ජර්මැනික් (Germanic) යන නම්වලින් ද හැඳින්වෙන මොවුහු ක්‍රි.ව. දෙවැනි සියවසේ දී ඩැහියුබ් ගංගාව ඔස්සේ දකුණු දිග බලා ගමන් කොට බොහේ මිටියාවට පැමිණියහ. ඇතැම් ආදිමූලාශ්‍රයවල දැක්වෙන පරිදි ඔවුහු ජුට්ලන්තය (Jutland) නම් සිම්බ්‍රියන් අර්ධද්වීපයේ වාසය කළහ. ක්‍රි.පූ. 114 දී ඉල්ලිරිකුම් හරහා නොරිකුම් ප්‍රදේශයට පැමිණ ක්‍රි.පූ. 113 දී ඉතාලි දේශසීමාවේ දී රෝම බලඇණියක් පරාජය කළහ. මෙයින් ලැබූ වාසිය ප්‍රයෝජනයට ගෙන ඉතාලිය ආක්‍රමණය කිරීම වෙනුවට ඔවුහු උතුරු දිගට ගමන් කොට ඇල්ප්ස් කඳු ප්‍රදේශයක් වූ ගෝල් බලා ගියහ. ක්‍රි.පූ. 109 සිට 105 දක්වා වූ කාලය තුළ තම සගයින් ටුටොන්වරුන් සමග ඒකාබද්ධ ව දකුණු ගෝල්හි පුරාම ප්‍රදේශ විනාශ කළ සිම්බ්‍රිවරු මේ කාලය තුළ තෙවරක් ම ඉතා බලසම්පන්න රෝම බළඇණි පරාජය කළහ. ක්‍රි.පූ. 103 දී පමණ මොවුන්ගේ ඒකාබද්ධ හමුදා (සිම්බ්‍රි, හෙල්විටි (බ.), ටුටෝන්) ඉතාලිය ආක්‍රමණය කිරීමට සූදානම් වෙද්දී එකල රණශූරයකු වශයෙන් පතළ කීර්තියක් ලැබ සිටි කායුස් මාරියුස් ලවා නව රෝම බලඇණියක් පුහුණු කරවා ක්‍රි.පූ. 101 දී උතුරු ඉතාලියේ පෝ නිම්නයේ දී සිම්බ්‍රිවරු සහමුලින් ම විනාශ කර දමන ලදහ. ඉතාලිය ආක්‍රමණය කළ ප්‍රථම ජර්මන් ගෝත්‍රිකයෝ සිම්බ්‍රිවරු ලෙස සලකනු ලැබෙති.

(කර්තෘ: පණ්ඩුල ඇඳගම: 1969)

(සංස්කරණය නොකළ)