අලිබබා

මොහු අරාබිනිසොල්ලාසයේ(අරාබිනිසොල්ලාසය බ.) එන “අලිබබා සහ හොරු හතලිස් දෙනා” නම් වූ ජනප්‍රිය කථාන්තරයෙහි කථානායකයාය.

කැළේ දර කපමින් ජීවත් වූ අලිබබාට අහම්බෙන් ධනය පිරි සොර ගුහාවකට ඇතුළුවීමේ ගුප්ත ක්‍රමය දැනගන්ට ලැබී ඉන් වස්තුව පැහැරගෙන ආ සැටි ද, ඔහුගෙන් එම රහස දැනගත් ඔහුගේ පොහොසත් සොහොයුරා ද වස්තු ලෝභයෙන් එම ගුහාවට ගිය සැටි ද, පිටවන උපාය අමතක වීම නිසා ගුහාව තුළ දී ඔහු සොරුන්ට අසුව විනාශ වූ සැටි ද, සොරු අලිබබා ගැන සොයා දැනගත් සැටි හා අලිබබා මැරීමට පැමිණි සොරමුළ ඔහුගේ වහල් දාසියක වූ ශූර මෝර්ජියානා විසින් විනාශ කරන ලදින් අලිබබා බේරුණු සැටි ද, ඉක්බිති ඔහු සොර ගුහාවේ හිමියා බවට පත් වූ සැටි ද මේ කථාවෙන් කියැවේ.

(සංස්කරණය: 1965)