මිද්දෙනිය

හම්බන්තොට දිස්ත්‍රික්කයේ උතුරු ගිරුවාපත්තුවේ කටුවන ප්‍රාදේශීය උපදිසාපති කොට්ඨාශයේ පිහිටි ප්‍රසිද්ධ කඩපළකි. වලස්මුල්ල, වීරකැටිය, හුංගම හා පනාමුරේ හරහා ඇඹිලිපිටිය ස්ථානවලට මෙහි සිට මහාමාර්ග හතරක් විහිදේ.

ගමක්, ග්‍රාමසේවක වසමක් හා ගම්සභාවක් මිද්දෙනිය නමින් ඇත. ගම්සභා කාර්යාලය, උපතැපැල් කන්තෝරුව, පොලිස් ස්ථානය, මහාවිiාලය, කනිෂ්ඨ විiාලය, රජයේ ගොවිපළ හා ප්‍රාදේශීය සංවර්ධන මණ්ඩල ගොවිපළ මෙහි ඇති පොදු ආයතනයි.

මෙහි වැසියන්ගේ ප්‍රධාන රක්ෂාව ගොවිතැනයි. වී හා පොල් සුළු වශයෙන් ද හේන් ගොවිතැන ප්‍රධාන වශයෙන් ද මෙහි කෙරේ. කෙසෙල්, වට්ටක්කා, පුහුල් ආදිය ගැන ප්‍රසිද්ධ මෙහි පොළ සතියකට දින දෙකක් පැවැත්වේ.

(කර්තෘ: සෝමපාල ජයවර්ධන)

(සංස්කරණය නොකළ)