ආසන-5

චක්‍රවර්ති රජුන්ගේ හා වෙනත් ශ්‍රෙෂ්ඨ පුද්ගලයන්ගේ හිඳිමට යෝග්‍ය වු ආසන හතක් ගැන වීශ්වකර්ම වාස්තු ශාස්ත්‍රයේ සඳහන් වේ . 1. සිංහාසනය 2. භද්‍රසානය 3. කුර්මාසනය 4. වීරාසනය 5.මානාසනය 6. විජයාසනය 7.පර්යඞ්කාසනය යන නම්වලින් මේ අසුන් හැඳින්වෙයි .මොවුනතුරෙන් සිංහයකුගේ ආකෘතියක් දරන ආසනය සිංහාසනයයි.එය චක්‍රවර්තින්ට හා ක්ෂත්‍රියන්ට යෝග්‍යය.භද්‍රසානය සාමන්ත භුපාලයන් සඳහාය.පරිව්‍රා ජක,යති,යෝගී යන මොවුන්ට කූර්මාසනය ද සේනාපතීන්ට වීරාසනය ද ඇමතියනට , කුලගුරුනට හා කලා නිපුණයන්ට මනාසනය ද යුවරජුන්ට විජයාසනය ද ඒ ඒ න්‍යාය විවරණාදී කාය්‍යීයන්ට සහභාගීවන්නන්ට පර්යඞ්කාසනය ද හිඳීමට යෝග්‍ය අසුන් හැටියට සඳහන් කර තිබේ මෙහි නොකී අයට ද නියම්ත ආසන බොහෝ ගණනක් ඇතී බව සඳහන් වුව ද ඒ පිළිබඳ විස්තර යථෝක්ත ග්‍රන්ථයෙහි නොදැක්වේ.

(සංස්කරණය: 1965)