අහර්ගණය
සිංහල විශ්වකෝෂය වෙතින්
ජ්‍යෝතිශ්ශාස්ත්‍රයට අයත් ගණිත ක්‍රමයකි. අහර්ගණය යනු වාර සමූහය යනාර්ථයි. කල්පාරම්භයේ සිට හෝ අන්‍ය කාල පරිච්ඡේදයක සිට හෝ යම්කිසි අවශ්‍ය දිනයක් දක්වා ගත වී තිබෙන භෞමික දින සංඛ්‍යාව දැන ගැනීමට ද දින, මාස, වර්ෂාධිපතීන් නිර්ණය කිරීමට හා සියලු ග්‍රහගණිතයට ද ඉවහල් වන බැවින් අහර්ගණය විශේෂ සැලකීමට භාජන වූවකි. එය ද්‍යුගණ නමින් ද හැඳින්වේ. මේ ගණිතය සූර්‍ය්‍යසිද්ධාන්තයේ විස්තර වේ.
(සංස්කරණය: 1965)
