අරංගල සිරිධම්ම නාහිමි

කොළම දෙමටගොඩ මහාවිසුද්ධාරාමාධිපති වැ වැඩ විසූ මුන් වහන්සේගේ උපන්ගම පහතදුම්බර අරංගල ග්‍රාමයයි. මුලින් රාමඤ්ඤ නිකායෙහි පැවිද්ද ලබා සිට පසුව ක්‍රි.ව. 1895 දී පමණ බුරුම රටට ගොස් එහි දී උපසම්පදාව ලැබූහ. තව ද එහි දී බුද්ධධර්මය සහ ශබ්ද ශාස්ත්‍ර පිළිබඳ උසස් අධ්‍යාපනයක් ලැබූ සිරිධම්ම හිමියෝ 1909 දී ලංකාවට පැමිණ අභිධර්ම විශාරදයකු ලෙස කීර්තියක් ලබා සිටියහ. විචිත්‍ර ධර්මදේශකයකු මෙන් ම සිල්වතකු සේ ද බහුජන සම්භාවිතයහ. ‘බෞද්ධ ඥානාලෝකය නොහොත් ධාතු මනසිකාර දීපනිය’ ආදි බොහෝ පොත් බුද්ධධර්මය පිළිබඳව ලියා තිබේ. ‘ස්වේජින්’ නමින් ප්‍රසිද්ධ බුරුම නිකාය සංවර්ධනයෙහි ලා මුන් වහන්සේ බෙහෙවින් උපස්ථම්භක වූහ. (අමරපුර නිකාය බ.)

(කර්තෘ: හපුගොඩ සුමනතිස්ස ස්ථවිර: 1963)

(සංස්කරණය නොකළ)