හුමාලය ඇල්ලීම
ජලය රත්කිරීම් වශයෙන් නැගෙන එහි හුමාලය (ජලවාෂ්ප) මුහුණ ඇතුළු ශරීරයේ කොටස්වලට ස්පර්ශ කිරීමට සැලැස්වීම් වශයෙන් සිදු කෙ‍ෙරන ප්‍රතිකාර ක්‍රමයකි. බොහෝ විට හුමාලය අල්වනු ලබන්නේ සෙම්ප්‍රතිශ්‍යාව සෑදුණ අයට ය. හුමාලය ඇල්ලීමට ‘වේදු ඇල්ලීම’ යයි ද කියනු ලැබේ.
දේශීය වෙදකමෙහි නියමිත පරිදි පළමු කොටැ මුට්ටයක් ගෙනැ ඊට දෙහි කොළ, වසතැල්ලා කොළ, කොත්තමල්ලි යනාදියෙන් යමක් දමා ජලය වක්කොටැ හැලියේ මුව විට නෑබිලියකින් හොඳාකාර වසා හැලිය උදුනෙහි තබා ගිනිදල්වනු ලැබේ. බෙහෙත් ද්‍රව්‍ය හොඳාකාර තැම්බුණු පසු එම හැලිය බිම තබා රෝගියාගේ හිසින් කනින් දල රෙද්දකින් වසා හුමාලය මුට්ටියත් රෝගයාගේ දලරෙදිදෙන් ම වැසෙන්නට සලස්වා මුට්ටියේ වසන ලද වියන ඉවතට ගෙන රෝගියාගේ මුහුණට සහ උඩුකයට උණුසුම් හුමාලය වැදෙන්නට රෙද්ද හොඳාකාර ව වසනු ලැබේ. රෝගයාගේ මුහුණට හුමායෙන් ඩහදිය වැටුණු පසු මුට්ටිය ඉවතට ගනු ලැබේ. දේශීය චිකිත්සාවට අයත් පුටපාක හෙවත් බෙහෙත් තැම්බුම් සාදනු ලබන්නේ ද හුමාලයේ ආධාරයෙනි. ඊට යොදනු ලබන්නේ ජලයේ උණුසුම් හුමාලය පමණකි. චිකිස්සාවට ගනු ලබන නොයෙකුත් මහෞෂධයන් සමහර යෝග සැදීමේ දී හුමාලයෙන් තම්බා ගනු ලැබේ. ඇතැම් විට නියමිත පරිදි බෙහෙත් ද්‍රව්‍ය තැම්බෙන හුමාලයෙන් අනිත් ද්‍රව්‍යයක් තම්බා ගැනීම ද කරනු ලැබේ.
(කර්තෘ: පී.ඇම්.පී. අභයසිංහ: 1961)
(සංස්කරණය නොකළ)
